أترككم مع واحدة من أحب الكلمات إلى قلبي .. بصوت الرائع جورج خباز ..

قصيدة من مسرحية "مطلوب" , المسرحية من تأليف وإخراج جورج خباز نفسه .. 

" ارجعي يا هاك الايام

  ارجعي عخيل الاوهام

رديني انا طفل صغير عيونو بتلمع بالاحلام 

رديني انا طفل صغير بيتشيطن وما بينلام

ردي الدني بعيوني كبيرة صغيرة الدني هون 

رديني عأوضة صغيري حدودا كل الكون 

شلحيني بهاك الحي العب بزواريبو شوي

العب تيخلصو اللعب وتيتعب مني التعب

وطير وسابق الهوى ولما اوعى وعي الشمس

وعشية نسرب سوا واحكي مع القمر همس

ردي رفقاتي اللي راحوا كل واحد بيميل

ردي سهراتي اللي طالو تينعس الليل

رديني طيار كبير طير طيارة بالخيط

رديني عاشق امير باول بوسة ورا الحيط

رديني مش فاهم شي لكن عارف شو بني

رديلي صوتا لستي الكان ينسيني الدني 

شلحيني عهاك السرير تغمض عينيي ونام .. "