عن الحب والكرامة ..
سمعت ناس كتيرة قوي بتتكلم عن أن الحب
والكرامة وأنهم حاجتين مبيتعارضوش ..
مبدأيا في حاجة لازم نبقى عارفينها كويس ..
في فرق بين الكرامة والكبرياء بتوعك انت .. اللي هو دايما بيقلب بالكبر والعند بمفهومنا
احنا كمجتمع مصري أصيل .. وفرق بين كرامة الحب ..
الكرامة دايماً وعزة النفس .. عننا احنا ..
عندما
نقع في الحب ..ده اللي وقعوا بجد .. بنتجرد فعلياً من احساسنا بذاتنا وقيمتها ..
ويصبح قلبنا ملك للآخر على طبق من فضة .. قلوبنا بتلين وبتتجرد من دفاعها وأسوارها
.. وجنودنا اللي احنا حاطينها تدافع عنه بتنزل سلاحها في حضرة قلب آخر ..وفي
الجواز بنتجرد حتى من ملابسنا أمام بعضنا البعض .. فازاي بيجيلك قلب تقول بعدها ..
كرامتي ؟ عن أي كرامة تتحدث ..
أنا لا أتصور أبدا ان الواحد عشان يحب يتحول
لانسان عديم الكرامة ويعيش في ذل وإهانة ليل نهار .. " معنديش كرامة ؟ "
كلمة وقعها تقيل قوي .. وعلاقة مش سوية بالمرة .. لكن واقعياً اللي بيحب بجد وعايز
يحافظ على علاقته .. لازم يتعلم الرحمة.. اللي أهم مكوناتها إنكار الذات* واللين
والرفق والتعاطف والانسانية ورفع الراية البيضاء لبعضنا البعض..
لأن
واقعياً كلنا بنحب نفسنا وكرامتنا غالية علينا قوي .. بس لو كل طرف دخل في العلاقة
بيها وحطها أولوية .. محدش هيصالح .. محدش هيرفع التليفون ويبتدي الصلح محاولاً
إنهاء الخلاف أيا كان مين اللي غلطان .. لأن كلنا وقت الخلاف بنكون غلطانين ..
جميع الأطراف .. سواء بتصرف أو بكلمة أو رد فعل أو نظرة أو حتى نبرة صوت .. وكلنا
لينا حق ..بس الواقع انه محدش هيتعتع من
مكانه عشان يراضي الطرف الآخر ويرفق بيه وينهي أي خلاف .. وهنا بالذات الكِبر
بيدخل ويبرطع ويتحول خلاف أهبل عبيط إلى حرب قبلية و" كرامتي عندي بالدنيا
" و"كرامتي ناقحة عليا " و " أنا أموت دفاعاً عن كرامتي"
والحاجات الدرامية اللي بنقعد نرددها فحين ان الموضوع كله ممكن ينتهي بمكالمة
تليفون واحدة , كل واحد مستنيها من التاني عشان يقوله حقك عليا .. أو حركة واحدة يطلع
اللي قصادك مستعد ومستنيك عشان يتحرك قصادها عشر خطوات ..
لو كان الحب عننا وعن نفسنا وكرامتنا وآمالنا
وأحلامنا احنا بس .. يبقى أنت فعلاً محبتش بصدق .. لأن الحب والعلاقات دايما عننا
احنا الاتنين .. والكرامة في الحب بتتحول لحاجة مشتركة .. يتنافس الطرفين فيها للدفاع
عن كرامة الآخر واحترامها وإعلاء قيمتها ومكانتها والحفاظ عليها ..
أما
الكبرياء .. فلا يجتمع هو والرحمة في قلب واحد .. وأنك لو تعلمت الرحمة .. هتعفي
حبيبك من أنه يقف في يوم قصادك يدافع عن كرامته .. وأنك يوم أحببت .. تحولت أنت بكرامتك
وقلبك وعقلك , مقترن بكيان آخر ..كيان أكبر اسمه الحب .. حب أركانه الرحمة والصدق
والعطاء.. كيان يستحق الدفاع عنه حتى آخر رمق.
فلو لقيت فعلاً الإنسان أو الإنسانة اللي يستحقوا
أنك تجرد قلبك عشانهم .. أعطي أولولية للرحمة واللين والتسامح عن الكرامة
والكبرياء .. لأن الحياة وحدها صعبة .. ولأنكم لن تسعدوا حقاً إلا إذا استطعتم فعل
ذلك .
وإذا وجدت نفسك في معظم الأوقات بتبّدي كرامتك انت عن أي حاجة في العلاقة أو
كانت كرامتك تقف عائقاً في معظم قرارتك .. يبقى عيد حساباتك .. فربما كانت الوحدة أفضل لك
.. وإذا لقيت نفسك بتدور على راحتك انت وسعادتك انت بس .. يبقى من فضلك خليك مع
نفسك..
*الذات : نفس الذات بتاعت
كرامتي وحاجتي وكل ما يتعلق بي أنا وحدي فقط.
Subscribe to:
Post Comments (Atom)
4 comments:
this is true baby
but i guess en e7na elly 3andena moshkela fel definition beta3 karama
i guess enaha kebr and self ego aktar
u said it in the right way, i always contradict those who say mafesh 7aga esmaha karama fel 7ob, cos if X really Loves Y or knows what love is X will defend Y's own soul, pride & heart...no need for Y to let go off it
@ Saloom .. I'm glad you read this post .. and understood what i meant by the phrase I always repeated so helplessly :)
@Ayat .. rabena ye3afina :)
Post a Comment